SIKU ZA LOUIS VAN GAAL ZAHESABIKA MANCHESTER UNITED NORWICH IKIFANYA KITU MBAYA OLD TRAFFORD ...Jose Mourinho ahusishwa na Mashetani Wekundu

Kibarua cha Louis van Gaal kinazidi kuning'inia pabaya baada ya Manchester United kulambwa 2-1 na Norwich katika uwanja wa Old Trafford kwenye mchezo wa Premier League.

Kipigo hicho kimeishusha United hadi nafasi ya tano, ikiipisha Tottenham iliyopanda hadi nafasi ya nne baada ya kuinyuka Southampton 2-0.

Mashabiki wa United pamoja na wachambuzi wa soka wamezidi kumuondolea uvivu Van Gaal ambapo sasa wengi wao wanamtaka kocha aliyetimuliwa Chelsea Jose Mourinho apokee kijiti Old Trafford.

Nahodha Wayne Rooney akicheza mechi yake ya 500 kwa United, akashuhudia Norwich ikipata mabao mawili ya kuongoza kupitia kwa Cameron Jerome dakika ya 38 na Alex Tettey dakika ya 54 kabla ya Anthony Martial hajafunga bao la kufutia machozi dakika ya 66.

Man Utd (4-2-3-1): De Gea 5.5; Young 6, Jones 5, Smalling 6, Blind 6; Fellaini 6 (Herrera 60 6), Carrick 5.5; Martial 6.5, Mata 6, Depay 5.5; Rooney 5

Norwich (4-5-1): Rudd 6; Martin 6.5, Bennett 6, Bassong 6, Olsson 6; Redmond 7.5, Hoolahan 6.5 (Howson 66 5.5), Tettey 6.5, O'Neill 6 (Mulumbu 81), Brady 6; Jerome 7 (Mblokani 81)

Presha kwa Louis van Gaal baada ya kucheza mchezo wa sita kwenye mashindano yote bila ushindi

Alex Tettey akiifungia Norwich bao la pili

Cameron Jerome (wa pili kulia) anafunga goli la kwanza

Kipa wa Manchester United David de Gea akiwa hoi

Anthony Martial akiifungia United bao pekee

Kinda Martial akipokea tuzo ya  Golden Boy kama mchezaji bora chipukizi barani Ulaya, tuzo hiyo ilitolewa kabla ya mchezo dhidi ya Norwich haujaanza

Nahodha wa Manchester United  Wayne Rooney nae alikabidhiwa taji na Sir Bobby Charlton kwa kuucheza mchezo wa 500 kwa klabu hiyo