KAZI ipo!! Hakika watu wanashindana kutungua nyimbo mpya mithili ya mizinga inavyotungua ndege za kivita, kila mmoja anajaribu kumaliza ujuzi wake. G5 Modern Taarab wanashuka na ngoma yao mpya kabisa "Sina Makuu" ambayo utakuwa unasikiliza kwa mara ya kwanza kupitia hapa Saluti5.
Wimbo huu umeimbwa na mwadada mwenye sauti tamu Ashura Machupa (pichani juu) huku mpini wa solo ukipakatwa na Jumanne Ulaya, kwenye gitaa la bass amesimama Shaibu Maulid. Kinanda kimepapaswa na Omar Kisila. Hawa wanaume watatu wamefanya kazi ya hatari sana humu ndani – wameshikana mpaka raha, zimepigwa fito za nguvu mpaka basi.
Wimbo huo uliotungwa na Albaab Bamileck, ni wimbo wenye ujumbe mzuri, zimepigwa fumbo za kiufundi na wala sio zile zilizojaa shari. Usikilize hapo chini.
Comments
Post a Comment