Butler alifunga pointi 17 na alicheza kwa kuimarisha ulinzi mkali dhidi ya Paul George katika umilki wa mwisho wa mpira wa Indiana Pacers. Hii ilipelekea kuisaidia Chicago Bulls kung'ang'ana na kuibuka na ushindi mgumu wa 96-95 dhidi ya Pacers Jumatatu usiku.
" Jimmy alifanya baadhi ya michezo mizuri kwa sisi ndani ya uwanja na kuchagiza ushindi, " kocha wa Chicago Fred Hoiberg alisema.
"Siyo tu alichokifanya miwsho, lakini alifanya mengi makubwa na vikapu vya msingi alifunga." Butler alimbana Paul George aliyekuwa anajaribu kurusha mtupo wa ushindi, hivyo mtupo wake ukapea.
Huu ulikuwa ndo mtupo wa mwisho wa mchezo ambao Indiana Pacers walihitaji ili kujipatia ushindi, hivyo kupelekea vicheko kwenye benchi na mashabiki wa Chicago Bulls.
Ni mchezaji bora sana, moja ya guards ambao ni vigumu sana kuwakaba kikamilifu. Aliruka vyema, akajinyoosha, akaachia mpira lakini nikapata kuugusa na kusaidia kuokoa timu yangu, Jimmy Butler alisema juu ya Paul George.
Derrick Rose alikuwa na pointi 23 huku akipata mitupo 9 kati ya 18 aliyojaribu kwa Chicago , lakini alitoka huku zikiwa zimebaki takribani dakika sita.
Ilibidi atoke baada ya kuteguka na kutonesha eneo la kifundo cha mguu wake wa kushoto. Doug McDermott alifunga pointi 11. Paul George alikuwa na pointi 26 kwa Indiana Pacers, na Monta Ellis alimaliza na pointi 20 .
CJ Miles alipata mitupo mitano ya pointi 3 ikimsaidia kumaliza na pointi 19. Jordan Hill na Ian Mahinmi kila mmoja alinyakua rebounds 12.
HIGHLIGHTS
Comments
Post a Comment