Raheem Sterling amekunjua makucha yake na kuwaambia Liverpool kuwa hataki kuandamana na timu hiyo katika ziara yao ya mashariki ya mbali.
Licha ya winga huyo kushiriki mazoezi ya kujindaa na msimu mpya, lakini anataka kubaki England ili ajipange na mpango wake wa kutaka kuihama Liverpool.
Raheem ameonyesha wazi kuwa hana nia ya kuendelea kuitumikia Liverpool na sasa anaingia kwenye hatua ambayo inaonekana kama ni mwelekeo wa kulazimisha kuuzwa.
Manchester City bado haijapeleka ofa ya tatu huku mbili zikiwa zimepigwa chini na Liverpool ambayo inataka ilipwe pauni milioni 50 kwa kinda huyo wa miaka 20.
Andre Wisdom na Raheem Sterling (mbele) wakiwa mazoezini siku ya Jumatatu
Sterling ameripoti Melwood Training Ground Julai 6 licha ya mipango yake ya kutaka kutimka Liverpool
Sterling akiwasili mazoezini na Mercedes yake nyeupe
Liverpool imeshakataa ofa mbili za Manchester City £35million na £40million
Comments
Post a Comment