ALIYEMPIGA DOLE CAVANI AFUNGIWA ...SASA ATAKOSA MECHI ZOTE ZILIZOSALIA ZA COPA AMERICA

Beki wa Chile Gonzalo Jara amefungiwa baada ya kumtia dole mshambuliaji wa Uruguay Edinson Cavani kwenye mchezo wa robo fainali ya Copa America.

Jara alinusurika kupewa adhabu na mwamuzi wakati Cavani akilambwa kadi nyekundu baada ya kuhamaki na kumsukuma beki huyo. 

Ushahidi wa picha umemtia hatiani Jara na sasa atakosa michezo yote iliyosalia hata kama Chile itasonga mbele hadi fainali.

Jara alimlamba kofi la kishkaji Cavani kabla ya sekunde chache baadae hajamtia dole mshambuliaji huyo wa PSG.

Cavani  alihamaki, akamsukuma kidogo Jara ambaye alikuwa mwepesi kuzuga na akajitupa chini. Cavani  akapewa kadi ya pili ya njano na kutolewa nje.

Kutolewa kwa Cavani dakika ya 63 kuliiathiri Uruguay iliyojikuta inafungwa bao pekee dakika ya 81.

Hili ndio dole lililoleta balaa

Edinson Cavani (watatu kushoto) akilalamika baada ya kuzinguliwa Gonzalo Jara 

 

Jara anamsogelea Cavani na kumpiga dole

Jara anajiangusha na kumsababishia kadi nyekundu Cavani

Cavani analambwa kadi nyekundu