Beki Liverpool achanika sehemu ya jicho mazoezini

Dejan Lovren 

MLINZI wa Liverpool, mwenye umri wa miaka 25, raia wa Croatia,  Dejan Lovren jana ame-post picha kwenye mtandao wake wa kijamii wa Instagram akionesha sura yake ilivyochubuka.

Lovren ameonesha sehemu  iliyochanika juu ya jicho lake la kulia na inahitaji kushonwa kwa nyuzi nne.

Mbali na sehemu hiyo, Lovreno pia ameonekana kuwa na baadhi ya alama za  michubuko  sehemu nyingine ya uso.

Lakini beki huyo ameshindwa kumtaja mchezaji mwenzake aliyesababisha ajali hiyo akiishia kuuliza ' kisia ni nani?"

Lovren amekumbwa na wakati mgumu katika msimu wake wa kwanza wa ligi kuu England baada ya kujiunga Anfield kwa paundi milioni 25 akitokea Southamptom majira ya kiangazi mwaka jana.

Wekundu hao wa Anfield wanaikaribisha  Crystal Palace  jumamosi ya wiki hii kabla ya kucheza mechi ya mwisho ya msimu dhidi ya Stoke.

Ona picha ya  Dejan Lovren hapo chini;