Chelsea ina faida 'nyembamba' ya kusonga mbele kwenye michuano ya Ligi ya Mabingwa Ulaya ingawa juhudi za beki wake Branislav Ivanovic zilizimwa na Edinson Cavani.
Chelsea ikapata goli muhimu la ugenini Jumanne usiku katika mchezo wao wa kwanza wa hatua ya 16 bora dhidi ya Paris Saint-Germain, japo walilazimishwa sare ya 1-1 kwenye uwanja wa Parc des Princes.
Branislav Ivanovic akafunga kwa kichwa dakika ya 36 akimalizia kazi nzuri iliyofanywa na mabeki wenzake John Terry na Gary Cahill.
PSG wakacharuka kipindi cha pili na kusawazisha kupitia kwa Edinson Cavani dakika ya 54 ambaye nae pia alifunga kwa mpira wa kichwa uliompita kipa Thibaut Courtois.
Mabingwa hao wa Ufaransa walicheza vizuri zaidi na ilionekana kama vile wataibuka na ushindi lakini kipa Thibaut Courtois akawa shujaa kwa kuondoa michomo mingi.
Moja ya michomo ya wazi aliyoondoa Courtois ni ile iliyotoka kwa Zlatan Ibrahimovic na Cavani ambayo ingeweza kupeleka kilio kwa Jose Mourinho na kuufanya mchezo wa marudiano mwezi Machi pale Stamford Bridge uwe mgumu zaidi.
PSG ilicheza bila nyota wake muhimu kama Yohan Cabaye, Serge Aurier na Lucas Moura lakini bado iliweza kumjaribu kipa Courtois katika dakika za mwanzo kwa kichwa cha Blaise Matuidi.
PSG (4-3-3): Sirigu 6.5; Van der Wiel 6, Marquinhos 5.5, Thiago Silva 6, Maxwell 6; Verratti 6.5; David Luiz 6.5; Matuidi 6.5; Lavezzi 6.5 (Pastore 81), Ibrahimovic 6.5; Cavani 7
CHELSEA (4-2-3-1): Courtois 7.5; Ivanovic 6, Cahill 5.5, Terry 7, Azpilicueta 6.5; Ramires 6.5, Matic 7; Willian 6 (Cuadrado 79), Fabregas 7 (Oscar 83), Hazard 6; Diego Costa 6 (Remy 81)
Comments
Post a Comment