LIVERPOOL YAMUUZA SUAREZ BARCELONA..MKWANJA KUTUMIKA KUWANASA ADAM LALLANA NA LAZAR MARKOVIC

Suarez akiwapungia mashabiki wa Uruguay akiwa katika nyumba ya mama yake mzazi mjini  Montevideo baada ya kuondoka katika fainali za kombe la dunia. 

KLABU ya Liverpool ipo tayari kumuuza Luis Suarez katika klabu ya Barcelona ambayo ilianza harakati za kuiwania saini ya nyota huyo.

Barcelona wameweka wazi kuwa hata kama Suarez amefungiwa miezi minne kucheza soka, hiyo haizuii nia yao ya kumsajili na mpaka sasa Liverpool hawajahangaika kutafuta mbadala wa mshambuliaji huyo hatari.

Adam Lallana atakuwa mchezaji wa Liverpool saa 24 zijazo baada ya Southampton kukubali ofa ya paundi milion 25 kwa mshambuliaji huyo wa England, na hii ni baada ya kupita wiki nne tangu apokee simu kutoka kwa maofisa wa Anfield.

Mshambuliaji wa Liverpool anaweza kwenda Barcelona kwa dau la puandi milioni 80.

Luis Suarez alikuwa mchezaji bora wa mwaka wa ligi kuu nchini England msimu uliopita, lakini sasa Liverpool inaweza kumuuza .

Siku za furaha: : Suarez akishangilia kushinda kiatu cha dhahabu pamoja na mtoto wake  Delfina na mke wake Sofia

Aibu: Mshambuliaji wa Uruguay  amefungiwa miezi minne kucheza soka baada ya kumng`ata beki wa Italia  Giorgio Chiellini katika fainali za kombe la dunia nchini Brazil.

  Liverpool wameanza mbio za kumuwania mchezaji wa Benfica,  Lazar Markovic. 

Mserbia, Markovic  ni moja ya wachezaji bora wenye umri mdogo katika soka la Ulaya na bei yake ni paundi milioni 20.

Japokuwa Liverpool walikuwa wanaweka ngumu kwa dau hilo, lakini baada ya kupokea taarifa za FIFA kuhusu kumfungia Suarez wamelazimika kukubali na kumruhusu Muurguay huyo kuondoka klabuni hapo.

Licha ya kufungiwa, Liverool wanaamini Barcelona inaweza kulipa paundi milioni 80 na tayari mmiliki mkuu wa klabu hiyo John W Henry anaonekana kutokuwa tayari kumuuza kwa bei rahisi.

Mwanasheria wa Suarez Alejandro Balbi alikuwa Barcelona kujadili hatima ya mteja wake, wakati kocha mpya wa Barca  Luis Enrique alisema hakuna tatizo lolote juu ya kumsajili nyota huyo mwenye miaka 27.

Alimfananisha Suarez na mshambuliaji gwiji wa Barca  Hristo Stoichkov na alisema : 'Stoichkov kiukweli aliwahi kufanya madhambi makubwa dhidi ya mwamuzi, lakini aliendelea kufirika kuwa mcheza mkubwa".

Kama Liverpool watamuuza Suarez kwa paundi milioni 80, hiyo itakuwa biashara nzuri kwa Brendan Rodgers ambapo atatumia mkwanja huo kuimarisha kikosi chake.