VAN GAAL SASA AMNYATIA SCHWEINSTEIGER WA BAYERN MUNICH

KOCHA mpya wa Manchester United, Louis van Gaal amepania kupata saini ya kiungo wa Bayern Munich, Bastian Schweinsteiger, hii ni kwa mujibu wa gazeti la The Sun la Uingereza.

Huku nyota wengine wa Bayern, Toni Kroos na Arjen Robben wakiitolea nje United, tetesi hizi za Schweinsteiger nazo zinatarajiwa kuyeyuka kwa njia hiyo hiyo.

Van Gaal anamjua vema Schweinsteiger katika muda wote aliokuwa akiikochi Bayern Munich na sasa angependa kupata huduma ya kiungo huyo katika himaya yake mpya Old Trafford.