SUAREZ AWAPIGA `CHANGA LA MACHO` REAL MADRID, BARCELONA, ASEMA YEYE `GADO KWA GADO` NA LIVERPOOL YAKE

Furaha: Luis Suarez anataka kukaa Liverpool baada ya kufunga mabao 31 katika mechi 33 za ligi kuu msimu uliopita.

Balaa!: Suarez anapigana vilivyo na majeruhi ya goti lake ili acheze kombe la dunia baada ya kufanyiwa upasuaji jumanne ya wiki iliyopita.

Kundi kubwa la watu likimzunguka Suarez wakati anaondoka katika hospitali ya Montevideo

Suarez akiwa na watoto wake wawili baada ya kupewa kiatu cha dhahabu mei 11 mwaka huu kwenye uwanja wa Anfield.

 

Imechapishwa Mei 27, 2014, saa 9:34 asubuhi

LUIS  Suarez amemwambia mchezaji mwenzake wa Liverpool kuwa ana mpango wa kubakia klabuni hapo msimu ujao ili kuisaidia timu hiyo kutwaa ubingwa wa ligi kuu soka nchini England.

Jana jumatatu, Liverpool walisema kuwa kocha mkuu Brendan Rodgers amesaini mkataba mpya utakaomuweka Anfield mpaka mwaka 2018 na atapata nguvu zaidi kwa uwepo wa Suarez.

Ripoti zinasema Real Madrid wameweka dau la paundi milioni 100 kwa ajili ya kuinasa saini ya Suarez ambaye alisaini mkataba mrefu na Liverpool mwezi desemba mwaka jana na aliahidi kukaa muda mrefu klabuni hapo.

Lakini vyanzo vya habari Bernabeu vinaeleza kuwa hakutakuwa na haja ya kumsajili Suarez kama Karim Benzema atakubali kusaini mkataba mpya.

Mfaransa huyo ambaye yuko kwenye rada za Arsenal anahitaji kuongezewa dau na Real Madrid, lakini klabu hiyo inaamini watafikia makubaliano na nyota huyo mwenye miaka 26 kabla ya kombe la dunia.